संकटमोचन हनुमानाष्टक | sankatamochan hanumaanaashtak |संकट मोचन चालीसा


बाल समय रवि भक्ष लियो तब तीनहुं लोक भयो अंधियारो। 
ताहि सों त्रास भयो जग को यह संकट काहु सों जात न टारो॥
 देवन आनि करी बिनती तब छांडि दियो ‍रवि कष्ट निवारो। 
को नहिं जानत है जग में कपि संकटमोचन नाम तिहारो ॥1॥ . 

बालि की त्रास कपीस बसे गिरि जात महाप्रभु पंथ निहारो।
 चौंकि महा मुनि साप दियो तब चाहिय कौन बिचार बिचारो॥ 
कै द्विज रूप लिवाय महाप्रभु सो तुम दास के सोक निवारो 
को नहिं जानत है जग में कपि संकटमोचन नाम तिहारो ॥2॥ 

अंगद के संग लेन गए सिय खोज कपीस यह बैन उचारो। 
जीवत ना बचिहौ हम सो जु बिना सुधि लाए इहां पगु धारो॥
 हरि थके तट सिंधु सबै तब लाय सिया-सुधि प्रान उबारो 
को नहिं जानत है जग में कपि संकटमोचन नाम तिहारो ॥3॥ 

रावन त्रास दई सिय को सब राक्षसि सों कहि सोक निवारो। 
ताहि समय हनुमान महाप्रभु जाय महा रजनीचर मारो॥
 चाहत सीय असोक सों आगि सु दै प्रभु मुद्रिका सोक निवारो 
को नहिं जानत है जग में कपि संकटमोचन नाम तिहारो ॥4॥

 बान लग्यो उर लछिमन के तब प्रान तजे सुत रावन मारो। 
लै गृह बैद्य सुषेन समेत तबै गिरि द्रोन सु बीर उपारो॥ 
आनि सजीवन हाथ दई तब लछिमन के तुम प्रान उबारो 
को नहिं जानत है जग में कपि संकटमोचन नाम तिहारो ॥5॥ 

रावन जुद्ध अजान कियो तब नाग की फांस सबे सिर डारो। 
श्रीरघुनाथ समेत सबै दल मोह भयो यह संकट भारो॥ 
आनि खगेस तबै हनुमान जु बंधन काटि सुत्रास निवारो को 
नहिं जानत है जग में कपि संकटमोचन नाम तिहारो ॥6॥ 

बंधु समेत जबै अहिरावन लै रघुनाथ पताल सिधारो।
देबिहिं पूजि भली बिधि सों बलि देउ सबै मिलि मंत्र बिचारो॥ 
जाय सहाय भयो तब ही अहिरावन सैन्य समेत संहारो 
को नहिं जानत है जग में कपि संकटमोचन नाम तिहारो ॥7॥

 काज किये बड देवन के तुम बीर महाप्रभु देखि बिचारो।
 कौन सो संकट मोर गरीब को जो तुमसों नहिं जात है टारो॥
 बेगि हरो हनुमान महाप्रभु जो कछु संकट होय हमारो 
को नहिं जानत है जग में कपि संकटमोचन नाम तिहारो ॥8॥


                    ।।दोहा।। 


लाल देह लाली लसे, अरु धरि लाल लंगूर। 
बज्र देह दानव दलन, जय जय जय कपि सूर॥




sankatamochan hanumaanaashtak | संकटमोचन हनुमानाष्टक | संकट मोचन चालीसा | संकट मोचन पाठ

baal samay ravi bhaksh liyo tab teenahun lok bhayo andhiyaaro. 

taahi son traas bhayo jag ko yah sankat kaahu son jaat na taaro.

 devan aani karee binatee tab chhaandi diyo ‍ravi kasht nivaaro. 

ko nahin jaanat hai jag mein kapi sankatamochan naam tihaaro .1. . 



baali kee traas kapees base giri jaat mahaaprabhu panth nihaaro.

 chaunki maha muni saap diyo tab chaahiy kaun bichaar bichaaro. 

kai dvij roop livaay mahaaprabhu so tum daas ke sok nivaaro 

ko nahin jaanat hai jag mein kapi sankatamochan naam tihaaro .2.



angad ke sang len gae siy khoj kapees yah bain uchaaro. 

jeevat na bachihau ham so ju bina sudhi lae ihaan pagu dhaaro.

 hari thake tat sindhu sabai tab laay siya-sudhi praan ubaaro 

ko nahin jaanat hai jag mein kapi sankatamochan naam tihaaro .3. 



raavan traas daee siy ko sab raakshasi son kahi sok nivaaro. 

taahi samay hanumaan mahaaprabhu jaay maha rajaneechar maaro.

 chaahat seey asok son aagi su dai prabhu mudrika sok nivaaro 

ko nahin jaanat hai jag mein kapi sankatamochan naam tihaaro .4.




Bāna lagyō ura lachimana kē taba prāna tajē suta rāvana mārō. 

Lai gr̥ha baidya suṣēna samēta tabai giri drōna su bīra upārō. 

Āni sajīvana hātha da'ī taba lachimana kē tuma prāna ubārō 

kō nahiṁ jānata hai jaga mēṁ kapi saṅkaṭamōcana nāma tihārō.5. 



Rāvana jud'dha ajāna kiyō taba nāga kī phānsa sabē sira ḍārō. 

Śrīraghunātha samēta sabai dala mōha bhayō yaha saṅkaṭa bhārō. 

Āni khagēsa tabai hanumāna ju bandhana kāṭi sutrāsa nivārō kō 

nahiṁ jānata hai jaga mēṁ kapi saṅkaṭamōcana nāma tihārō.6.


bandhu samet jabai ahiraavan lai raghunaath pataal sidhaaro.

debihin pooji bhalee bidhi son bali deu sabai mili mantr bichaaro. 

jaay sahaay bhayo tab hee ahiraavan sainy samet sanhaaro 

ko nahin jaanat hai jag mein kapi sankatamochan naam tihaaro .7.



 kaaj kiye bad devan ke tum beer mahaaprabhu dekhi bichaaro.

 kaun so sankat mor gareeb ko jo tumason nahin jaat hai taaro.

 begi haro hanumaan mahaaprabhu jo kachhu sankat hoy hamaaro 

ko nahin jaanat hai jag mein kapi sankatamochan naam tihaaro .8.


                                   ..doha.. 

laal deh laalee lase, aru dhari laal langoor. 


bajr deh daanav dalan, jay jay jay kapi soor.



Previous Post Next Post